ЭКОНОМИКА

Өкмөт Нарын облусунун Ак-Талаа районундагы «Акталчат–Казарман» автожолунда жайгашкан көпүрөнү оңдоого 50 млн сом  каражат бөлөт. Бул тууралуу Кыргыз Республиксынын Премьер-министри Сооронбай Жээнбеков бүгүн, 30-июнда, Нарын облусуна болгон жумуш сапарында билдирди. Мында маалыматты Өкмөттүн Аппаратынын маалыматтык камсыздоо бөлүмү өз сайтына жарыялады.

Өкмөт башчы Ак-Талаа районундагы «Акталчат–Казарман» автожолунда жайгашкан көпүрөнүн абалын көрдү.

Кыргыз Республикасынын Транспорт жана жолдор министри Жамшитбек Калилов маалымдагандай, жалпы узундугу 140 метр болгон көпүрө өткөн кылымын 60-жылдары салынган. 2017-жылдын март айынын бери түптөрүн суу каптагандыктан авариялык абалган келген. Транспорт жана жолдор министрлиги тарабынан комиссия түзүлүп, Нарын дарыясындагы суунун көбөйүшүнөн улам, көпүрөнүн үч тирегичи бошоп калганы аныкталган. Буга байланыштуу көпүрө аркылуу өтүүчү жол кыймылы убактылуу токтотулган.

Жамштибек Калилов Транспорт жана жолдор министрлигинин алдындагы «Кыргыздортранспроект» долбоорлоо институтуна  көпүрөнү реконструкциялоо долбоорун иштеп чыгуу тапшырмасы берилгенин маалымдады.

Жергиликтүү тургундар менен жолугушууда Премьер-министр Сооронбай Жээнбеков аталган көпүрө аркылуу өтүүчү транспорт кыймылын калыбына келтирүү үчүн Өкмөт 50 млн сом бөлө турганын билдирди.

Өкмөт башчы жергиликтүү тургундарды сабырдуу болууга чакырып, курулуш талаптарына жооп берген сапаттуу көпүрө куруу өзүнчө убакытты талап кыларын кошумчалады.

Сооронбай Жээнбеков Транспорт жана жолдор министрине 2017-жылдын сентябрь айына  чейин курулушка керектүү болгон бардык жумуштарды аягына чыгарып, көпүрө аркылуу каттамды жүргүзүүнү тапшырды.

Премьер-министр  ошондой эл жергиликтүү эл менен жолукканда бардык райондордун борборлорунда жолдорго асфальт төшөө, анын ичинде Ак-Талаа районунда да бир топ жолдорду ондоо иштери жүрөрүн белгиледи.

Белгилей кетсек, Кыргыз Респаубликасынын  Премьер-министри Сооронбай Жээнбеков өлкө аймактарына болгон жумуш сапарын улантууда – бүгүн, 30-июнда, ал Нарын жана Жалал-Абад облустарында болот.

Кыргызстанга америкалык ири компаниялардын өкүлдөрү келип, инвестиция салуу мүмкүнчүлүктөрүн карайт. Иш-чаранын алкагында жергиликтүү жана чет элдик ишкерлердин катышуусунда “Кыргызстан — АКШ” бизнес-форуму уюштурулат. Бул тууралуу Инвестицияларды жана экспортту илгерилетүү боюнча мамлекеттик агенттиги билдирди. Маалыматка ылайык, 10-12-июль күндөрү борбор калаага АКШнын “AGCO”, “Baker & McKenzie”, “General Electric”, “AES” жана “Coca-Cola” өңдүү бир катар ири компанияларынын өкүлдөрү келмекчи. Алар өлкөнүн инвестициялык мүмкүнчүлүктөрүн карап, бизнес өнөктөштөрдү издейт.

Булак: “Фабула”

Жогорку Кеӊеште эркин экономикалык аймактардын ишин жөнгө салуу чөйрөсүндөгү мыйзамдарды өз ара шайкеш келтирүү максатында иштелип чыккан «Бишкек» эркин экономикалык зонасын кайра түзүү жөнүндө» КР мыйзамына өзгөртүүлөрдү киргизүү тууралуу» мыйзам долбоору каралып, үчүнчү окууда добуш берүүгө жөнөтүлдү. Бул туурасында Жогорку Кеӊештин Басма сөз кызматы маалымдайт.

Экономика министрлигинин маалыматына караганда, Кыргызстан Евразия экономикалык бирлигинин курамына кийин айрым улуттук мыйзам жолболорун, айрыкча салык жана бажы мыйзамдарын ЕАЭБ талаптарына шайкеш келтирүү зарылдыгы келип чыкканын, андан тышкары айрым жоболорду күчүн жоготту деп табуу сунушу киргизилүүдө.

Жогорку Кеӊеште Кыргыз Республикасы менен Сауд өнүктүрүү фондунун ортосундагы “Бишкек шаарынын медициналык тез жардам мамлекеттик балдар ооруканасын реконструкциялоо жана кеӊейтүү” долбоору боюнча насыялык макулдашуу боюнча ратификациялык мыйзам долбоору каралып, баардык парламенттик фракциялардын макулдугу менен дароо эле үч окууда жактырды. Бул туурасында Жогорку Кеӊештин Басма сөз кызматы маалымдайт.

Саламаттык сактоо министри Талантбек Батыралиевдин айтымында, Сауд өнүктүрүү фонду заманбап балдар ооруканасын курууга 30 млн доллар көлөмүндө жеӊилдетилген насыя бөлүүдө. Инвестициялык каражаттын 40 пайызы грант болуп саналат.

«Ушу тапта Кыргызстанда 1 млн 400 миӊден ашуун бала бар, алар заманбап жаӊы технологиялар менен жабдылган ооруканага жана жогорку адистиктеги медициналык кызматкерлерге муктаж. Жалпы аянты 10 миӊ чарчы метр мындай жаӊы оорукана Бишкек шаарындагы №3 балдар ооруканасынын аймагында курулмакчы», – дейт ал.

Андан тышкары, ооркананын имараты Сауд Аравиясы тарабынан курулуп, оорукана медициналык жабдуулар менен жабдыла турганы белгилүү болду. Медициналык жабдуулардын жалпы наркы – 8 млн доллар.

Депутат Альфия Самигуллина аймактардагы акыбалы оор сыркоолор Бишкек шаарына алынып келинип дарылана турганын эске салып, азыр ордо калаанын айрым медициналык мекемелерине караганда айрым аймактардагы ооруканалардын абалы кыйла жакшы экенин белгиледи. Ал Бишкек шаарында заманбап ооркукананын курулушун колдой турганын билдирди.

Бир катар депутаттар өлкөнүн алыскы аймактарындагы медициналык мекемелерге да ушундай инвестиция тартуу зарылдыгын белгилешти.

Жогорку Кеӊештин Эл аралык иштер, коргоо жана коопсуздук боюнча комитети КР Өкмөтү менен Өнүгүү жана кайра куруу европалык банкынын ортосундагы Орто Азияда экологиялык реабилитациялоо үчүн Эсептик операцияларды Кыргыз Республикасында жүргүзүү жөнүндөгү келишим боюнча ратификациялык мыйзам долбоорун дароо эле үч окууда жактырды. Бул туурасында Жогорку Кеӊештин Басма сөз кызматы маалымдайт.

Өзгөчө кырдаалдар министри Кубатбек Бороновдун айтымында, Кыргызстандын аймагында 28 радиоактивдүү калдык сактоочу жай, 25 радиоактивдүү тоо тектеринин жыйындысы бар. Алардын жалпы көлөмү 12 млн куб метрди түзөт. Ошондон улам, атайын фонддо топтолгон 16 млн доллар ошол жайларды калыбына келтирүү багытында жумшалмакчы. Оӊдоло турган объектилердин тизмеси келишим ратификациялангандан кийин такталат.

Жогорку Кеӊештин Эл аралык иштер, коргоо жана коопсуздук боюнча комитети Кыргыз Республикасы менен Эл аралык өнүктүрүү ассоциациясынын ортосундагы Жылуулук менен камсыздоону жакшыртуу боюнча долбоорду даярдоо үчүн грант берүү жөнүндө макулдашуу–кат боюнча ратификациялык мыйзам долбоорун жактырды. Бул туурасында Жогорку Кеӊештин Басма сөз кызматы маалымдайт.

Өнөр жай, энергетика жана жер казынасы боюнча комитеттин төрагасы Дүйшөнбек Зилалиевдин айтымында, Дүйнөлүк банк менен Бишкек шаарынын жылуулук менен камсыз кылуу тутумунун абылын жакшыртуу багытында грантык жардам боюнча сүйлөшүүлөр жүргөн. «Келишимге ылайык, Эл аралык өнүктүрүү ассоциациясы 400 миӊ доллар өлчөмүндө гранттык каражат бөлөт. Аудитордук жумуштарды жүргүзүү үчүн да каражат каралууда», – дейт ал.

Андан тышкары, гранттык каражат толугу менен «Бишкек жылуулук тутуму» ишканасына бериле турганы белгилүү болду.

20-июнда кол коюлган документтердин арасында Кыргызстандын Орусияга болгон карызын кечүү боюнча протоколго да кол коюлду. Кыргызстандын финансы министри Адылбек Касымалиевдин маалыматында 2012-жылы Кыргызстандын жалпы карызынын суммасы 488,9 млн. доллар болчу, 2012-2013-жылдагы сүйлөшүүлөрдүн негизинде Орусия 2013-жылы карыздын 188 млн. долларын кечкен. Калган 300 млн. доллар 10 жылга созулган мөөнөткө кыскартылган деген негизде келишимге кол коюлган. Ага ылайык 2016-2017-жылдары 60 млн. доллар кыскарып, 240 млн доллар калган. Ошентип Кыргызстан Россия тараптан бир да тыйын карыз эмес.

Булак: “Сентябрь“