КООМ

Бүгүн, 3-майда Жогорку Кеңештин жыйынында “Аскер кызматчыларын пенсия менен камсыз кылуу жөнүндө” мыйзамга өзгөртүүлөрдү киргизүү тууралуу” мыйзам долбоору 3-окууда каралды. Демилгечилер – Жогорку Кеңештин депутаттары Исмаилова А.Ж., Асылбаева Г.К., Бакчиев Ж.А., Иманалиев К.К., Никитенко Н.В., Самигуллина А.Э., Строкова Е.Г., Субанбеков Б.Ж., Туманбаева Р.М. Бул туурасында Жогорку Кеңештин Басма сөз кызматы маалымдады.

3-окуудагы мыйзам долбоорун Социалдык маселелер, билим берүү, илим, маданият жана саламаттык сактоо боюнча комитетинин төрайымы Гүлкан Молдобекова алып чыкты.

«Мамлекеттик пенсиялык социалдык камсыздандыруу жөнүндө» мыйзамга ылайык «Мать-героиня» же «Баатыр эне» ордендери менен сыйланган энелер үчүн пенсияга эсептешүү көрсөткүчүнүн 1000 проценти өлчөмүндө (1000 сом) кошумча төлөп берүү каралган. Аскер кызматчыларынын жана укук коргоо органдарынын кызматкерлеринин ичинен «Мать-героиня» же «Баатыр эне» ордендери менен сыйланган энелер үчүн пенсия менен камсыз кылуу маселеси «Аскер кызматчыларын пенсия менен камсыз кылуу жөнүндө» мыйзам менен жөнгө салынат, бирок мындай жогорудагыдай төлөө каралган эмес. Сунушталган мыйзам долбоордо аскер кызматчыларынын жана укук коргоо органдарынын кызматкерлеринин ичиндеги пенсионер аялдарга карата да тиешелүү кошумчаны төлөп берүү жөнүндө ченемди жайылтуу сунушталат.

Мыйзам долбоору 3-окууда добуш берүүгө жолдонду.

Кыргыз Республикасынын Премьер-министри Сооронбай Жээнбековдун аймактарда өзгөчө кырдаалдардын алдын алуу жана анын кесепеттерин жоюу иштери менен таанышуу, анын ичинен Жалал-Абад облусуна болгон жумуш сапары уланууда. Бул туурасында Кыргыз Республикасынын Өкмөтүнүн Аппаратынын маалыматтык камсыздоо бөлүмү билдирет.

Бүгүн, 3-майда, Өкмөт башчы Сооронбай Жээнбеков Ноокен районунун Сакалды айыл аймагындагы Кара-Үңкүр дарыясындагы дамбанын абалы менен таанышты.

Өзгөчө кырдаалдар министри Кубатбек Боронов билдиргендей, 2017-жылдын март-апрель айларында Кара-Үңкүр дарыясында суунун көлөмү жогору болгондуктан дамбанын айрым жерлерин суу жээрип, айыл чарба багытында пайдаланылуучу жерлерди суу каптоо коркунучу болгон.

Бүгүнкү күндө жээктерди бекемдөө иштери активдүү жүргүзүлүүдө, ал үчүн бардык техникалык каражаттар жетиштүү. Кубатбек Боронов жергиликтүү органдардын биргелешкен иш аркетинен улам, турак үйлөрдү жана сугат жерлерди суу каптоо коркунучу жоголгонун баса белгиледи.

Премьер-министр Сооронбай Жээнбеков абал менен таанышкан соң, жээктерди тосуу жана мүмкүн болгон өзгөчө абалдарга мониторинг жүргүзүп алдын алуу иштерин күчөтүүнү тапшырды.

Андан ары Өкмөт башчы Майлы-Суу шаарындагы жер көчкү жүргөн Кара-Жыгач айылына барып, табият кырсыгынын кесепеттерин жоюу иштери менен таанышты.

Өзгөчө кырдаалдар министри Кубатбек Боронов 2017-жылдын 28-апрелинде  болгон жер көчкүнүн жалпы көлөмү 7 млн. м3. түзгөнүн билдирди.

Жер көчкү ошондой эле Майлы-Суу дарыясынын нугун буруп, жыйынтыгында дарыяга жакын жердеги турак үйлөрдү  жана Майлы-Суу – Сары-Бээ автожолун суу каптады.

Премьер-министр Сооронбай Жээнбеков Транспорт жана жолдор министрлигине бир жума ичинде аталган авто жолдун участкасын реконструкциялоого кетүүчү чыгымдар сметасын түзүүнү тапшырды.

Майлы-Суу шаарынын мэриясына  жергиликтүү тургундарды  ичүүчү суу менен үзгүлтүксүз камсыз кылуу жана Өкмөттүн ыйгарым укуктуу өкүлү менен биргеликте аймактарда күтүлүүчү  өзгөчө кырдаалдар тууралуу калкка маалымдоо жана түшүндүрүү иштерин жүргүзүүнү күчөтүүнүн  тапшырды.

Ошондой эле  кооптуу аймакта жашаган жергиликтүү тургундарды көчүрүү үчүн жер участогун трансформациялоо маселесин кароону  жана адамдардын тийиштүү тизмесин түзүүнү тапшырды.

Сооронбай Жээнбеков жергиликтүү жашоочулар менен болгон жолугушууда белгилегендей, мамлекеттик органдар табигый кырсыктын кесепеттерин алдын алуу жана  ыкчам жоюу боюнча бардык зарыл чараларды кабыл алат.

Өкмөт башчы ошондой эле Кыргыз Республикасынын Президенти Алмазбек Атамбаевдин атынан колдоо сөзүн жеткирип, өлкөдөгү өзгөчө кырдаалдардын айланасындагы бардык маселелер  мамлекет башчысынын жеке көзөмөлүндө экендигин билдирди.

Эске салсак, Премьер-министр Сооронбай Жээнбеков 2017-жылдын 29-апрелинен тартып табигый кырсык орун алган жерде жүрөт. Өкмөт башчы ошол эле күнү Ош облусунун Өзгөн районундагы жер көчкү түшүп, анын кесепетинен 24 адам курман болгон Аюу айылына барды. 1-майда Премьер-министр Сооронбай Жээнбеков  Ош облусунун Өзгөн районундагы ошол күндөрү жер көчкү түшкөн  Жалпак-Таш айылына,  2-майда  Жалал-Абад облусунун Сузак, Базар-Коргон райондорундагы өзгөчө кырдаалдардын алдын алууга даярдыктарды жеринде көрүп, орун алган табигый кырсыктын кесепеттери менен таанышып, жергиликтүү тургундар менен жолугушту. Бүгүн, 3-майда күндүк экинчи жарымында Ош шаарында  республика аймактарындагы калкты өзгөчө кырдаалдардан коргоону камсыз кылуу маселеси боюнча селектордук жыйын өткөрөт.

Продолжается рабочая поездка Премьер-министра Кыргызской Республики Сооронбая Жээнбекова по ознакомлению с работой по профилактике чрезвычайных ситуаций и ликвидации стихийных бедствий в регионах, в частности в Джалал-Абадской области.
Сегодня, 3 мая, Глава Правительства Сооронбай Жээнбеков ознакомился с состоянием дамбы на реке Кара-Ункур в сельском округе Сакалды Ноокенского района.

Министр чрезвычайных ситуаций Кубатбек Боронов сообщил, что в марте и апреле 2017 года в связи с увеличением объема воды на реке Кара-Ункур произошел частичный смыв дамбы и появилась угроза затопления земель сельскохозяйственного назначения.
На сегодняшний день активно продолжаются берегоукрепительные работы, для чего имеются все необходимые средства и техника. Кубатбек Боронов подчеркнул, что благодаря совместным усилиям с местными органами власти была ликвидирована угроза затопления домов и орошаемых земель.

Премьер-министр Сооронбай Жээнбеков, ознакомившись с ситуацией, поручил ускорить реконструкцию берегозащитного сооружения и усилить мониторинг за возможными чрезвычайными происшествиями.

Далее Глава Правительства посетил село Кара-Жыгач города Майлы-Суу, где ознакомился с ходом работы по ликвидации последствий сошедшего оползня.

Министр чрезвычайных ситуаций Кубатбек Боронов проинформировал, что общий объем стихийного бедствия, произошедшего 28 апреля 2017 года, составил порядка 7 млн. м3. Оползень также повредил русло реки Майлы-Суу, вследствие чего произошло подтопление близ лежащих жилых домов и автодороги Майлы-Суу – Сары-Бээ.

Премьер-министр Сооронбай Жээнбеков поручил Министерству транспорта и дорог в недельный составить смету расходов на реконструкцию данного участка автодороги.
Мэрии города Майлы-Суу поручено провести работы по бесперебойному обеспечению питьевой водой местных жителей и совместно с полномочным представительством Правительства в регионе усилить работы по повышению информированности и осведомленности населения о возможных чрезвычайных происшествиях.

Также им поручено рассмотреть вопрос с трансформацией земель для переселения местных жителей, проживающих в опасных зонах и составить соответствующий список людей.

На встрече с местными жителями Сооронбай Жээнбеков заверил их в том, что государственными органами будут и впредь приниматься все необходимые меры по предупреждению и оперативной ликвидации последствий стихийных бедствий.

Глава Правительства также передал слова поддержки от имени Президента Кыргызской Республики Алмазбека Атамбаева и отметил, что Глава государства лично контролирует ситуацию вокруг всех чрезвычайных происшествий в стране.

Напомним, что Премьер-министр Сооронбай Жээнбеков на местах произошедших стихийных бедствий находится с 29 апреля 2017 года. В тот день он посетил село Аюу Узгенского района Ошской области, где в результате сошедшего оползня погибли 24 человека.

1 мая Премьер-министр Сооронбай Жээнбеков посетил село Жалпак-Таш Узгенского района Ошской области, где накануне также сошел оползень, 2 мая — ознакомился с последствиями стихийных бедствий, встретился с местными жителями и проинспектировал готовность к чрезвычайным происшествиям в Сузакском и Базар-Коргонском районах Джалал-Абадской области. Сегодня, 3 мая во второй половине дня в г. Ош проведет селекторное совещание по вопросу обеспечения защиты населения и территорий республики от чрезвычайных ситуаций.

Биринчи вице-премьер-министр Мухамметкалый Абулгазиев бүгүн, 2-майда, Ош облусунун Өзгөн районундагы Аюу айылында жер көчкү болгон жерде каза болгон жарандардын туугандары менен жолукту. Бул тууралуу Кыргыз Республикасынын Өкмөтүнүн Аппаратынын маалыматтык камсыздоо бөлүмү маалымдады.

«Президент Алмазбек Атамбаевдин жана Кыргыз Республикасынын Өкмөтүнүн атынан каза болгондордун туугандарына жана жакындарына терең кайгыруу менен көңүл айтам. Аюу айылынын тургундарын коопсуз жайга көчүрүү маселеси чечилүүдө. Аюу айылынын жашоочуларын көчүрө турган жаңы жерге электр энергиясы өткөрүлүп, жол, таза суу жага сугат суу маселелери чечилет. Эч ким кырсык менен жалгыз калбайт. Аюу айылынын бардык жабыркаган тургундарына жардам берилет», – деди Биринчи вице-премьер-министр Мухамметкалый Абулгазиев.

Каза болгондордун үй-бүлөлөрүнө Кыргыз Республикасынын Президентинин атынан 100 миң сомдон, ал эми Кыргыз Республикасынын Өкмөтүнүн атынан 70 миң сомдон берилди.

Каза болгондордун туугандары менен болгон жолугушууда диний башкармалыктын өкүлдөрү Ош облусунун Өзгөн районундагы Аюу айылында болгон жер көчкүдөн каза болгондорду жерге берүү маселеси боюнча, Кыргыз Республикасынын уламалар Кеңеши тарабынан даярдалган фатва (диний көрсөтмөлөр) тууралуу  билдирди.

Анда белгиленгендей, эгерде адам жер көчкүдөн, кар көчкүдөн же там уроодон каза болуп, анын денесин табуу мүмкүн болбосо, анын денеси жаткан жер жерге берилген жайы болуп эсептелинет. Ошол жерге жаназа окуу туура болуп саналат.

Жаназа окулгандан кийин диний өкүлдөр каза болгондордун туугандарына алардын сөөгүн издетүүнү токтотуу маселесин сунуштады.

Кыргыз Республикасынын Өзгөчө кырдаалдар министрлигинин маалыматында, 2017-жылдын 29-апрелинде Ош облусунун Өзгөн районуна караштуу Зергер айыл өкмөтүндөгү Аюу айылында таңга маал жер көчкү түшкөн.

Кырсык болгон жерде жети турак үй жер астында калып, анда болжол менен 24 адам болгон. Куткаруучулар жана издөө-куткаруу иштерине катышкан жарандар тарабынан каза болгон 3 адамдын сөөгү табылган.

“Ата-Журт” мекенчил саясий партиясынын лидери Камчыбек Ташиев табигый кырсык болгон Өзгөн районунун Аюу айылына барып, жер көчкүдөн жабыр тарткан айыл тургундары менен жолугушуу учурунда өзү байкаган, элдин чечилбеген көйгөлөрү тууралуу билдирүү менен чыкты.

“Эмне үчүн кырсык болгон жерде жоопкерчиликтүү мамлекеттик орундагы бир дагы адам жок? Айыл аймактын башчысы жана ӨКМдин башкармалыгынын башчысы, ошол жердеги изилдөө-куткаруу операциясын башкарып жатыптыр. Акимдин орун басары да жок экен, акимди айтпай эле коеюн. Өкмөттүн облусттук өкүлүнүн 3 орун басарынын бирөөсү да жок, өкүлдүн өзүн айтпай эле коеюн. ӨКМ министринин 4 орун басарынын бирөө жок, министрди айтпай эле коеюн. Тоолор жарылып, көчкү токтогон жок, бирок адамдар ошол көчкү менен аралашып эле жүрөт. Элдин коопсуздугун сактоого эч кандай чаралар көрүлгөн эмес. Ал гана эмес, жабыркаган эл жылуу-жумшак жата турган жай же болбосо ысык тамак-аш, кийим-кечек менен камсыз болгон эмес”,-дейт ал.

Камчыбек Ташиев 24 адамдын өмүрүн алган бул кырсыкка кызмат адамдарынын шалаакылыгы себеп болгонун белгиледи: “Мыйзам чегинде буга тийешеси бар кызмат адамдарынын жоопкерчилигин кароону прокуратурага тапшыруу зарыл. Бул апаатын көп адамдардын өмүрүн алып кетиши кызмат адамдарынын шалаакылыгы экендиги көрүнүп турат. Бир сөз менен айтканда муңканган элди кор кылышыптыр, аттин ай элим кор болуптур!”.

“Бул эмне деген гана кайдыгерчилик?! 24 мекендешибиз каза болуп жатса, бир да жогоруда көрсөтүлгөн мамлекеттик кызматкерлер ошол азада кан жутуп жаткан элдин арасында болбосо, ким жооп берет?!

2008-жылы Аксы районундагы Райкомол айылында көчкү түшүп, 15 адам каза болгондо мен Өзгөчө кырдаалдар министри элем, орун басарым – азыркы Конституциялык соттун мүчөсү М.Ш.Касымалиев экөөбүз бир үйдө эле, полдун үстүндө түнөгөнбүз. Курамына губернатор, аким, раймилициянын жетекчиси, ж.б. баардык жетекчилер кирген атайын мамлекеттик комиссия түзүлгөн жана мамлекеттик комиссияны жетектеп Мамлекеттик катчы келген.

2008-жылы Алай районундагы Нура айылында жер титиреп, 75 адам каза болду. Ошондо Ош облусунун губернатору, азыркы КСДП партиясынан Жогорку Кецешеке депутат болуп барган А.А.Карашев экөөбүз бир вагондо түнөгөнбүз, баардык облусттук деңгээлдеги жетекчилер ошол жерде эл менен бирге болушкан. Эртеси күнү президент учуп келген. Жасалган жумуштар боюнча айтпай эле коеюн, эч ким нааразы болгон эмес.

Мен эмне үчүн булардын баарын жаздым. Себеби кечееги Өзгөн районундагы Аюу-Сай айылындагы акыбалды көрүп, өтө зээним кейиди.

Спикер, өкмөт башчы, министрлер, губернатор, аким эмне, ал жерге барып сүрөткө түшүп, отчёт кылып коюш үчүн эле барыштыбы?”,- деди К.Ташиев.

Булак: “Майдан.kg”

Үстүбүздөгү жылдын 1-майында заманбап NTV телеканалынын ачылышы болду. Бул чындап эле тарыхый окуяга айланчу кабар. Анткени, жаңы редакциянын алдыга койгон максаттары арбын.

“Чү” дегенде эле, NTV телекана­лы эфирди өлкөнүн бардык аймагына FullHD форматында алып көрсөтүү менен баштады. Айта кетчү нерсе, учурда мындай жогорку сапат менен Кыргызстанда башка бир дагы теле­канал иштей элек. Ал эми жакынкы күндөрү NTV телеканалы спутникке чыгуу менен Кыргыз Республикасынан сырткары КМШ өлкөлөрүнө, анын ичинде Орусиянын чон шаарларына, Казакстанга, андан тышкары Түркияга, ал тургай Түштүк Кореяга чейин обого чыкмакчы.

“Бул аймактарда кыргызстандык мигранттар көп болгондуктан, ушундай кадамга барууну туура көрдүк”,- дейт телеканалдын башкы директору Нурлан Шакиев.

“Мыкты адистер – ийгиликтин башаты” демекчи, NTV телеканалы­нын ар бир кадры кылдаттык менен тандалып алынганын айтат телеканал башчысы. Ал эми Нурлан мырза тууралуу айтсак, ал-журналистика тармагында мол тажрыйбасы бар жетекчи. Убагында мамлекеттик “Эркин Too” гезитинин башкы редактору болсо, кийинчерээк ЭЛТР телеканалын жетектеген. Ошондой эле, Нур­лан Шакиев – мурдагы маданият министри. Бул инсан менен качандыр бир иштешкендер бир ооздон анын мыкты менеджерлик сапаттарын айтышат.

Берүүлөрдүн негизги бөлүгүн саясат эмес, маданият, тарых, табият жана акыркы жанылыктар ээлейт. Жаны телеканал негизги милдети ка­тары – коомдогу агартуучулукту карманат. Жалан эле терс көрүнүштөрдү көрсөтө бербей, оң жактарды да көбүрөөк даназалоого умтулат. Ант­кени, коңшу өлкөлөр Кыргызстандын
жакшы жактарын билүүсү керек деп эсептейт телеканалдын жамааты.

NTV каналынын берүүлөрүнүн 70 пайызы кыргыз тилинде, 30 пайызы орус тилинде чыгат. Мындан улам, Жогорку Кеңеш тарабынан “Телерадиоберүү жөнүндө” мыйзамына киргизилген өзгөртүүлөргө ылайык, көрсөтүүлөрдүн 50%ы өздүк продукция болуп, 60%ы кыр­гыз тилинде чыгуусу шарт деген милдетти бул телеканал колдойт жана ишке ашырат. Алгач телеканал суткасына 17 сааттык берүүлөр менен көрүүчүлөрдү кубандырат. Анын ичинде жанылыктар күнүгө 5-6 жолу чыкмакчы.

Телеканалдын техникалык жетишкендиктери да мактанаарлык. Заманбап үлгүдөгү видео жана ау­дио жабдыктар гана эмес, ал тургай атайын студиялар да бүгүнкү күндүн талабына ылайык, виртуалдык фон менен жасалууда.

NTV телеканалынын аты жөн жерден латын тамгалары менен жазылган жок. Келечекте эл аралык аренага чыгууну көздөгөн телеканал­дын жамааты – атын дал ошол стандарттарга ылайык аткарган.

Булак: “Майдан.kg”

Кыргызстан мусулмандар дин башкармалыгы жана Уламалар кеңеши Өзгөндөгү Аюу-Сай айылындагы жер көчкүдө калгандардын сөөгүн ошол жерде калтыруу боюнча атайын чечим чыгарышты.

Анткени издөө иштери натыйжа бербей жатат. Муну айтканы барышканда жакындарын жоготкондор көнгөн жок. Бирок динаятчылар түшүндүрүү иштерин улантып жатышат. Ал арада ӨКМдин куткаруучулары, туугандары “токтотсоңор болот”,- дегичекти же сөөктөр табылгыча издөө иштерин токтотпой тургандыктарын билдирип, иштеп жатышат.

…Жакындарынан айрылып, зар какшап, кан жутуп, боздогондор. Ошол каран түн түшкөн таң заарда шум ажал 24 өмүрдү алып, туугандарынан айрыды…

Аюу-сайлыктар 4 күндөн бери “сөөктөр табылып калаар” деген үмүт менен, аза күтүп отурушат. Кырсык болгондон 1 күн өтүп, 2 өспүрүм кыздын жана 20 жаштагы келиндин сөөгү табылган. Андан бери издөө иштери жүрүп жаткан менен натыйжа жок.

Сөөктөрдү табуу иши кыйындагандан улам, өлкөнүн Муфтияты жана уламалар кеңеши чукул жыйынга чогулган. Анда көчкү алдында калгандарды казуу иштери кыйындап жатканын эске алып, кырсык болгон аймакты көрүстөнгө айлантуу чечимин кабыл алышкан. Бул сунушту аюу-сайлыктарга жеткирип, маркумдарга ошол эле жерде жаназа окуу тууралуу айтканы келишти.

Бул боюнча каза болгондордун жакындары жана Аюу-Сай калкы чечимге келүүгө тийиш эле. Түшүндүрүү иштерин айылдын аксакалдары жана имамы жүргүзүп жатат.

Көчкү түшкөн аймакты мүрзө кылып, казуу иштерин токтотууга маркумдардын жакындары каршы чыгышууда. Анткени бир үй-бүлөдөн толугу менен көчкү алдында калгандар бар. Алардын сөөгүн таап чыгып, акыркы сапарга узатабыз дешет.

Тургундардын талаптары менен 400гө жакын куткаруучу 12 саат бою издөө иштерин улантып жатышат.

ӨКМдин Ош облусундагы башкармалыгынын ыкчам бөлүмүнүн башчысы Куштарбек Абыловдун айтымында, көчкү түшүү коркунучу дагы эле сакталууда…

Булак: “Майдан.kg”

Сыягы, жыл башында 39 адамдын өмүрүн алган сырдуу учактагы жүктүн ээси аныкталбай, маркумдардын туугандары үчүн элден (мамлекеттен эмес) чогулган 100 млн. сомдон ашык акчаны да бийликтегилер жеп коёт окшойт. Ал эми күн сайын, ар бир самолет учканда жүрөгү оозуна тыгылып жашап жаткан карапайым дача сулуктар же үйдө, же Чүйдө жок ээн талаада, ачык асман алдында кала берери түшүнүктүү болуп калды. Алгач башка жактан үй эмес, жок дегенде жер участогун бөлүп берүү талабы менен Ак үйдүн алдына чыккан айылдыктарды ИИМдинби, УКМКнынбы жасоолдору түн жамынып үйлөрүнө барышып, коркутуп-үркүтүп, айрымдарын уурдап кетишкен болчу. Андан соң айыл жашоочуларынын ар бирине 10 миңден 25 мин сомго чейин акча берип, “Доом жок” деген кат жаздырып алышты. Бул ошол элден чогулган 100 млн.дун 5 эле миллиону экен. Калган 95 млн. сом кайда, кимге берилери тууралуу бийликтин бир өкүлү ооз ачып койгон жок. Мындан тышкары “күнөөлүү” деп табылган туркиялык компания бөлгөн 600 миң АКШ доллары бар. Алганды гана билип, бергенди унутуп калган кыргыз бийлиги бул акчанын да кандай максатта жумшалары тууралуу ооз ачпай келет. Акыры ушинтип отуруп, өлкөбүздөгү бир кырсыкты экинчиси басып, Дача СУдагы трагедия унутулуп, эл чогулткан акчаны баягы эле шылуун-шумпайлар жымырып кетет окшойт…

Булак: “Майдан.kg”

Мурда Россияда, айрыкча Москвада иштеп жүргөн кыргыз змгек мигранттарын кыргыз эле улутундагы кылмыштуу топтун мүчөлөрү коркутуп, үркүтүп, тоноп жүрүшкөндүгү көп айтылчу. Жакында КРнын ИИМнин Москвадагы өкүлчүлүгү россиялык милиция кызматкерлери менен биргелешип өткөргөн ыкчам иш аракеттин жүрүшүндө алар колго түштү.

Бул операция тууралуу аталган өкүлчүлүктүн жетекчиси Асхат Алиев өзүнүн “Фейсбуктагы” баракчасына төмөндөгүдөй маалымат жарыялаган:
“2017-жылдын 10-апрелинде КР ИИМнин РФгы өкүлчүлүгүнө КРнын жараны арыз менен кайрылган. Ал арызында аны өзүлөрүн уюшулган кылмыштуу топтун мүчөлөрүбүз деп тааныштырышып, коркутуп, опузалап, 80.000 рубль талап кылышкан жана жабырлануучунун өмүрүнө коркунуч жаралган. Арыздын негизинде Москва шаардык полициясы тарабынан опузалоо фактысы менен кылмыш иши козголуп, 19-апрелде кылмышка шектүүлөрдү кармоо операциясы жүргүзүлүп, жашаган батирин кароо учурунда Калашников маркасындагы автомат октору менен, пистолет наган, бет каптар табылган. Кылмышка шектүү деп кармалгандар, уюшулган кылмыштуу топтун активдүү мүчөлөрү экендиги аныкталып, азыркы күндө тергөө иш амалдары жүрүүдө. Биздеги ыкчам маалыматтарга ылайык, төмөндөгү сүрөттөгү уюшкан кылмыштуу топтун мүчөлөрү Москва шаарында жана Москва областында мекендештерибизди карактап, опузалап, тоноп кылмыш кылып жүрүшкөн. Эгерде ким ушулардын колунан жабыр тарткандар же болбосо кылмыш кылгандыгы жөнүндө маалыматыңар болсо КРнын ИИМнин РФгы өкүлчүлүгүнө арыз менен кайрылууңуздарды өтүнөбүз. Берген маалыматыңыздардын жашырындуулугуна кепилдик беребиз.

Биздин дарек: Москва шаары, Большая Ордынка 62, КРнын РФды Элчилиги.

Тел номер +79268908700 Аскат Алиев, КРнын ИИМнин Россиядагы өкүлү”.