БОРБОРДУК АЗИЯДА

4-апрелде Орусиянын Транспорт министрлигине нота жөнөтүлгөнүн Тажикстандын Транспорт министрлиги кабарлады.

Орусия 31-мартта “Сомон Эйр” компаниясынын Дүйшөмбү менен Хоженттен Москвага багыт алган каттамдарына тыюу салган. Буга тажик бийлигинин орусиялык “Ямал” авиакомпаниясынын Москванын Жуковский аэропортунан Дүйшөмбү шаарына учуусуна уруксат бербегени себеп болгон.

Тажик тарап орус аба компанияларынын Тажикстанга каттамдары көбөйүп кеткенин жүйө кармап, бул жергиликтүү компанияларга залакасын тийгизерин билдирген.

Булак: “Борбор Азия жаңылыктар кызматы”

Улуттук коопсуздук мамлекеттик комитетинин басма сөз катчысы Рахат Сулайманов “Азаттык” радиосуна билдиргендей, сурак тийиштүү мыйзамдын негизинде атайын кызматтын Оштогу башкармалыгында жүрүп жатат.

УКМК кечээ Жалилов Кыргызстанда туулганын, кийин орус жарандыгын алганын тастыктаган.

3-апрелде Санкт-Петербургдагы эки метро станциясынын ортосунда поезд вагону жарылган. Андан көп өтпөй дагы бир метро станциясында жарылбай калган бомба табылган.

Мерт кеткендердин саны соңку маалыматтар боюнча 14 киши. Элүүдөй адам ооруканада.

Орус бийлиги муну теракт деп атады.

Булак: “Борбор Азия жаңылыктар кызматы”

Прокурор мындан тышкары Techno Trading компаниясына 25 миллион 200 миң теңге көлөмүндөгү материалдык чыгымды өндүрүп берүүнү сурады. Techno Trading компаниясынын өкүлү кандай чечим чыкса да, компания чыгымы төлөнсө жетиштүү болорун айтты.

Активист Кушакбаевдин адвокаттары анын күнөөсүз экенин эскертип бошотууну сурашты.

Жүздөгөн мунайчылардын катышуусундагы ачкачылык акциясы быйыл январда орун алган. Нааразылык акциясына Каламкас жана Жетыбай мунай кендериндеги жумушчулар да кошулушкан. Алар Көз карандысыз кесиптик кошуундар конфедерациясынын жабылышына каршы нааразылыгын билдирип, талаптарын бийликке жеткирүүнү көздөшкөн.

Булак: “Борбор Азия жаңылыктар кызматы”

Орус өкмөт башчысынын айтымында, иликтөөнүн артында элди көчөгө алып чыгуу, керт баштын камын көрүү жана саясий максаттар бар. Медеведев иликтөөнү “сандырак” деп атады.

Медведев чагымдарга карабай, ишин уланта берерин айтты.

26-мартта Орусиянын бардык аймактарында, анын ичинен Москва жана Санкт-Петербургда жапырт түрдө антикоррупциялык митингдер өттү.

Орусия президенти Владимир Путин антикоррупциялык митингдерди “араб жазы” менен “Евромайданга” салыштырды.

Нааразылык акцияларын уюштурууга Коррупцияга каршы фондунун “Ал силерге Димон эмес” деген иликтөөсүнүн жарыяланышы себеп болду. Тасмада өкмөт башчы Дмитрий Медведевдин “жашыруун империясы” – кымбат баалуу мүлкү, жер аянттары, жүзүмзарлары, яхталары жөнүндө көрсөтүлгөн.

https://youtu.be/hTRbzvKF6RQ

Булак: “Борбор Азия жаңылыктар кызматы”

Мухаббат Кучимова алган жаракатынан улам дароо көз жумган. “Мухабат нөөмөттө болчу. Ал класста жалгыз отурганда күйөөсү атырылып кирип келип бир нече жолу бычак сайган. Учурда мектептегилердин баары дендароо болуп турат”,–деди маркум мугалимдин кесиптештеринин бири.

Биология мугалимине жолдошу эмне себептен кол салган азырынча белгисиз.

Карши шаарынын милициясы кылмышкер окуя болгон жерден качып кеткенин, учурда аны издөө иштери жүрүп жатканын билдирди.

Булак: “Борбор Азия жаңылыктар кызматы”

Мекеме тергөө уланып жатканын жүйө келтирип, шектүүлөрдүн аты-жөнүн жана окуянын чоо-жайын билдирүүдөн баш тартты. Жардырууну ИИМ террордук акт катары кароодо.

Тажикстан милициясы 12-март күнү кечинде Курган-Төбө шаарындагы облустук сот имаратынын алдындагы жардыруудан каза болгон адамдын тек-жайы аныкталганын билдирген. Ал 67 жаштагы Хасанбой Рахмонов аттуу этникалык өзбек болгон. Анда ММКлар жардырууну жергиликтүү мектептердин биринде кароолчу болуп иштеген адам жасаган болушу мүмкүн экендигин кабарлашкан.

Булак: “Борбор Азия жаңылыктар кызматы”

ММКлардын билдиришинче, топтун лидери жана анын тарапташы деп айтылып жаткан эки адам төрт жылга кесилди, калгандарына карата жатак абагына бир жылга эркинен ажыратуу чечими чыгарылды. Соттолгон жети адам тең сот залында камакка алынды.

Коопсуздук кызматы топтун мүчөлөрүн өткөн жылдын ноябрында кармаган. Аларга карата «Экстремистик же террордук деп табылган уюмдун ишмердүүлүгүнө катышуу» беренесинин негизинде кылмыш иши козголгон.

Тергөөнүн версиясы боюнча кармалгандардын экөө 2000-жылдардын башында «Таблиги Жамаатка» мүчө болуп, чет өлкөдө окуп келишкен. Соттун материалдарына ылайык, алар Карабулак жана Карасу айылдарындагы мечитте жана жашоочулардын үйлөрүнө барып үгүт иштерин жүргүзүшкөн. Соттолгондордун айыптоолорду четке каккандыктары айтылууда.

Казакстанда «Таблиги Жамаатка» 2013-жылдын февралынан бери тыюу салынып, соттун чечими менен экстремисттик уюмдардын катарына киргизилген. Бийлик уюмдун максаты аймакта исламисттик халифат орнотуу экенин айтып келет.

Булак: “Борбор Азия жаңылыктар кызматы”

Хорезм облусунун Элдик билим берүү башкармалыгынан билдиришкендей, мектеп жетекчилиги окуучусунун мындай абалын жашырып жүргөн. Окуя дарыгерлер кыздын алты айлык боюнда бар экенин аныкташкандан кийин гана белгилүү болгон. Бул аралыкта кыз бир канча жолу өз жанын кыюуга аракет кылган.

Мекеменин маалыматына караганда, бул окуядан кийин мектеп директорунун эки орун басары, кыздын класс жетекчиси жана мектептин психологу жумуштан алынды. Учурда мектептин директорун да кызматтан алуу сунушталууда.

Мугалимдер мектептин беделине зыян келтирбеш үчүн окуяны жашырып койгондугу айтылууда.

Өткөн жылы Хорезмдин Шават районунда окуучу кыз бир тууган агасынан боюнда болуп калгандан кийин өлкөдөгү мектеп директорлору арасында түшүндүү иштери жүргүзүлгөн.

Зордукталган мектеп окуучусу кийинки аптада көз жарышы керек. Анын ата-энесине карата кандай жаза көрүлгөнү маалымдала элек.

Булак: “Борбор Азия жаңылыктар кызматы“

Билдирүүдө айтылгандай, тажик тарап Орусиянын «Ямал» авиакомпаниясына Курган-Төбө жана Куляб шаарларына жумасына эки жолу каттоону сунуштаган. «Бирок «Ямал» бул сунушубузга макул болгон жок. Анда биз Дүйшөмбү менен Худжантка жумасына эки сапар учууну сунуштадык. Бирок Орусия тарап бул сунушка да макул болгон жок. Кийинчерээк алар аталган шаарларга жумасына 7 каттам жасоо сунушун жөнөтүштү», – деп айтылат мекеменин билдирүүсүндө.

Бул арада Орусиянын Тажикстандагы элчиси Игорь Лякин-Фролов учурда тараптар тең укуктуулук маселесинде тил табышууга аракет кылып жаткандыктарын билдирди.

Орусиянын Транспорт министрлиги тажик авиакомпаниясынын учууларына 3-апрелде чектөөлөрдү киргизген. Орус тарап бул кадамын тажик бийлиги буга чейинки макулдашууларга карабастан орусиялык «Ямал» авиакомпаниясынын «Жуковский» аэропортунан Дүйшөмбүгө жана Худжантка учуу тууралуу билдирмесин ырастабагандыгы менен түшүндүргөн.

Булак: “Борбор Азия жаңылыктар кызматы”