Author Archives: Эргешов Бактыбек

«Кыргыз Республикасынын Президенти Садыр Жапаровдун атына «Кыргызстандын дунган этносунун коомчулугу ассоциациясы» коомдук бирикмесинен Кыргыз Республикасынын Жогорку Кеңешинин депутаты Б.Райымкуловдун ачык сүйлөгөн сөзүнө реакция кылуу өтүнүчү менен кайрылуу келди.

Буга чейин Жогорку Кеңештин Агрардык саясат, суу ресурстары, экология жана региондорду өнүктүрүү боюнча комитетинин кезексиз жыйынында депутат Б.Райымкулов дунган улутундагы жарандарды сабизге бааны жасалма көтөрүп жаткандыгын айтып айыптаган. Атап айтканда, ал: “Дунгандар бааны жасалма көтөрүп жатышат. Москва жана Сокулук райондору жетиштүү деңгээлде суу алышат, дунгандар ошол жерлерде жашайт, алар бааларды көтөрүп жатышат” деп билдирген.

Ушуга байланыштуу Президент Садыр Жапаров бардык жарандарды, анын ичинде Жогорку Кеңештин депутаттарын өлкө бүтүндүгүнө жана элдин биримдигине доо кетирип, улуттар аралык ынтымакка терс таасирин тийгизиши мүмкүн болгон билдирүүлөрдөн сак болууга чакырат. Элдердин улуттар аралык биримдигине байланыштуу ар кандай билдирүүлөр өлкөдөгү коомдук-саясий кырдаалга таасир этиши мүмкүн.

Ошондуктан Мамлекет башчысы бардык жарандарды, анын ичинде парламентчилерди сак болууга, бул темада чайкоочулук кылбоого чакырды.

Бүгүнкү күндө Кыргызстан – 100дөн ашык этнос жашаган көп улуттуу өлкө, биргелешкен аракеттерибиз менен гана күчтүү жана өнүккөн мамлекетти кура алабыз”, – деп белгиледи Президенттин басма сөз катчысы Эрбол Султанбаев.

Бүгүн, 22-июнда Бишкек шаардык соту абактагы Өмүрбек Бабановдун аппеляциялык арызын карап, Биринчи май райондук сотунун Өмүрбек Бабановду 2 айга УКМКнын абагына камоо боюнча чечимин күчүндө калтырды.

Соттун чечиминен кийин Өмүрбек Бабановдун аялы Рита Бирбаева соттун алдына келген Бабановдун тарапкерлеринин алдында сөз сүйлөп, сотко жана бийликке күйөөсүн адилетсиз соттоп жаткандыгы үчүн нааразычылыгын билдирди.

Кечээ, 21-июнь күнү болжол менен саат 17:15 чамаларында Кемин районунун ИИБнө Кемин районунун аймагындагы токойлордун биринен жаш кыздын жансыз денеси табылгандыгы тууралуу маалымат келип түшкөн. Бул маалыматтын негизинде Кемин РИИБдүн ыкчам тергөө тобу дароо окуя болгон жерге чыгышып, денеге кароо жургүзүү учурунда анын киши колдуу болуп каза болгондугу аныкталган.
Кийин болжол менен саат 17:30 чамаларында Кемин РИИБнө жергиликтүү Х.Л. аттуу аял кайрылып, 2005-жылы туулган кызы 21-июнда болжол менен саат 11:00 чамаларында чыгып кеткен боюнча дайынсыз болуп жатканын билдирип, аны издешүүгө көмөктөшүүнү суранган.
Милиция кызматкерлери тарбынан жүргүзүлгөн териштирүү учурунда каза болгон кыз жогорудагы дайынсыз болуп жаткан 2005-жылы туулган Х.О. экендиги такталган.
Бул факты кылмыштардын жана жоруктардын бирдиктүү реестрине Кыргыз Республикасынын Жазык кодексинин 130-беренеси (Киши өлтүрүү) боюнча катталып, сотко чейинки өндүрүш иштери башталаган.
Сотко чейинки өндүрүш иштеринин алкагында каза болгон кыздын апасы суралып, үстүбүздөгү жылдын 21-июнь күнү болжол менен саат 08:30 чамаларында кызы мектепти аяктагандыгы тууралуу аттестатын алуу үчүн чыгып, болжол менен саат 10:59 чамаларында кошунасынын телефонунан чалып, сугат жумуштарын бүтөрүп алып, бараарын айтып ошол боюнча үйүнө келбегенин билдирген.
Чүй облусунун ИИББнын жана Кемин РИИБдүн криминалдык милиция кызматкерлери тарабынан жүргүзүлгөн ыкчам издөө иш-чараларынын натыйжасында буга чейин бир нече жолу соттолгон 1979-жылы туулган Б.К.аттуу жаран кармалган.
Милиция кызматкерлери тарабынан жүргүзүлгөн териштирүү учурунда, 2021-жылдын 21-июнь күнү болжол менен саат 11:00 чамаларында каза болгон кыз апасына чалуу үчүн кошунасынын телефонун сурап, кийин акча сураган учурда, ал кызга тийишип, денесин кармалап баштаган. Ал маалда кыз кыйкырып баштаганда, коркуп кеткен шектүү кызды муунтуп, кийин кошунасынын автоунаасын сурап, жансыз денени жашыруу үчүн аны токойго таштап салганы маалым болгон.
Учурда зарыл болгон экспертизалар дайындалып, кармалган жаран Кемин РИИБдүн убактылуу кармоочу жайына камакка алынган. Сотко чейинки өндүрүш ишетри улантылууда.