Бишкекте, 5-майда Сөз эркиндигин коргоо комитети, «Элдик саясат» полиси институту, «Улуттук кызыкчылык» тобу, «Кылым шамы» жана «Бир дүйнө» өкмөттүк эмес уюмдары биргеликте Сөз эркиндиги форумун өткөрүштү. Анда саясат талдоочулар, эксперттер, журналисттер, саясатчылар жана коомдук активисттер акыркы жылдарда Кыргызстандагы сөз эркиндигине жасалып жаткан кысымдар тууралу, дегеле сөз эркиндигинин бүгүнкү абалы жана эртенки келечеги тууралу кеңири сөз кылышты. Форумдун акырында Резолюция кабыл алынып, коомчулукка жана бийликке сөз эркиндигин коргоп калуу боюнча кайрылуу жасашты. Төмөндө саясатчы Жылдыз Жолдошованын форумда сүйлөгөн сөзүн сунуш кылабыз.
https://www.youtube.com/watch?v=LVuNGYNxBcI
Булак:Кyrgyztoday.kg

Бишкекте, 5-майда Сөз эркиндигин коргоо комитети, «Элдик саясат» полиси институту, «Улуттук кызыкчылык» тобу, «Кылым шамы» жана «Бир дүйнө» өкмөттүк эмес уюмдары биргеликте Сөз эркиндиги форумун өткөрүштү. Анда саясат талдоочулар, эксперттер, журналисттер, саясатчылар жана коомдук активисттер акыркы жылдарда Кыргызстандагы сөз эркиндигине жасалып жаткан кысымдар тууралу, дегеле сөз эркиндигинин бүгүнкү абалы жана эртенки келечеги тууралу кеңири сөз кылышты. Форумдун акырында Резолюция кабыл алынып, коомчулукка жана бийликке сөз эркиндигин коргоп калуу боюнча кайрылуу жасашты. Төмөндө укук коргоочу Төлөйкан Исмаилованын форумда сүйлөгөн сөзүн сунуш кылабыз.
https://www.youtube.com/watch?v=WLTRvwvK2Go
Булак: Кyrgyztoday.kg

Бишкекте, 5-майда Сөз эркиндигин коргоо комитети, «Элдик саясат» полиси институту, «Улуттук кызыкчылык» тобу, «Кылым шамы» жана «Бир дүйнө» өкмөттүк эмес уюмдары биргеликте Сөз эркиндиги форумун өткөрүштү. Анда саясат талдоочулар, эксперттер, журналисттер, саясатчылар жана коомдук активисттер акыркы жылдарда Кыргызстандагы сөз эркиндигине жасалып жаткан кысымдар тууралу, дегеле сөз эркиндигинин бүгүнкү абалы жана эртенки келечеги тууралу кеңири сөз кылышты. Форумдун акырында Резолюция кабыл алынып, коомчулукка жана бийликке сөз эркиндигин коргоп калуу боюнча кайрылуу жасашты. Төмөндө саясатчы Равшан Жээнбековдун форумда сүйлөгөн сөзүн сунуш кылабыз.
https://www.youtube.com/watch?v=wxDywwdu_vA
Булак:Кyrgyztoday.kg

Бишкекте, 5-майда Сөз эркиндигин коргоо комитети, «Элдик саясат» полиси институту, «Улуттук кызыкчылык» тобу, «Кылым шамы» жана «Бир дүйнө» өкмөттүк эмес уюмдары биргеликте Сөз эркиндиги форумун өткөрүштү. Анда саясат талдоочулар, эксперттер, журналисттер, саясатчылар жана коомдук активисттер акыркы жылдарда Кыргызстандагы сөз эркиндигине жасалып жаткан кысымдар тууралу, дегеле сөз эркиндигинин бүгүнкү абалы жана эртенки келечеги тууралу кеңири сөз кылышты. Форумдун акырында Резолюция кабыл алынып, коомчулукка жана бийликке сөз эркиндигин коргоп калуу боюнча кайрылуу жасашты. Төмөндө милициянын полковниги, Ош облустук милициянын экс-начальниги, Апрель Баатыры Абдылда Капаровдун форумда сүйлөгөн сөзүн сунуш кылабыз.

Булак: Кyrgyztoday.kg

Бишкекте, 5-майда Сөз эркиндигин коргоо комитети, «Элдик саясат» полиси институту, «Улуттук кызыкчылык» тобу, «Кылым шамы» жана «Бир дүйнө» өкмөттүк эмес уюмдары биргеликте Сөз эркиндиги форумун өткөрүштү. Анда саясат талдоочулар, эксперттер, журналисттер, саясатчылар жана коомдук активисттер акыркы жылдарда Кыргызстандагы сөз эркиндигине жасалып жаткан кысымдар тууралу, дегеле сөз эркиндигинин бүгүнкү абалы жана эртенки келечеги тууралу кеңири сөз кылышты. Форумдун акырында Резолюция кабыл алынып, коомчулукка жана бийликке сөз эркиндигин коргоп калуу боюнча кайрылуу жасашты. Төмөндө саясатчы Адахан Мадумаровдун форумда сүйлөгөн сөзүн сунуш кылабыз.

Булак:Кyrgyztoday.kg

Бишкекте, 5-майда Сөз эркиндигин коргоо комитети, “Элдик саясат” полиси институту, “Улуттук кызыкчылык” тобу, “Кылым шамы” жана “Бир дүйнө” өкмөттүк эмес уюмдары биргеликте Сөз эркиндиги форумун өткөрүштү. Анда саясат талдоочулар, эксперттер, журналисттер, саясатчылар жана коомдук активисттер акыркы жылдарда Кыргызстандагы сөз эркиндигине жасалып жаткан кысымдар тууралу, дегеле сөз эркиндигинин бүгүнкү абалы жана эртенки келечеги тууралу кеңири сөз кылышты. Форумдун акырында Резолюция кабыл алынып, коомчулукка жана бийликке сөз эркиндигин коргоп калуу боюнча кайрылуу жасашты. Төмөндө саясат талдоочу Табылды Акеровдун форумда сүйлөгөн сөзүн сунуш кылабыз.

Булак: Кyrgyztoday.kg

Премьер-министр Сооронбай Жээнбеков бүгүн, 10-майда, Кыргызстанда өндүрүлгөн картошканы Казакстан аймагына киргизүүгө тыюу салуу маселеси боюнча кеңешме өткөрдү. Бул тууралуу өкмөттүн маалымат кызматы билдирди.

Кеңешмеге биринчи вице-премьер-министр Мухамметкалый Абулгазиев, вице-премьер-министр Олег Панкратов, айыл чарба жана мелиорация министри Турдуназир Бекбоев, тышкы иштер министри Эрлан Абдылдаев, өкмөткө караштуу Ветеринардык жана фитосанитардык коопсуздук боюнча мамлекеттик инспекциянын директорунун орун басары Руслан Бейшенкуловдор катышты.

Премьер-министр Сооронбай Жээнбеков белгилегендей, Кыргызстанда өндүрүлгөн картошканын тегерегиндеги маселе чечилиши зарыл. “Өлкөнүн ЕАЭБге кошулуусу менен биздин айыл чарба продукциясын өндүрүүчүлөр интеграциялык бирикмеге мүчө-өлкөлөрдүн рыногуна кеңири мүмкүндүктөр ачылаарына үмүттөнүшкөн. Бирок азыркы учурга дейре алар өндүрүлгөн продукцияны ЕАЭБ өлкөлөрүнө чыгарууда тоскоолдуктарга туш болууда, ошол эле учурда биз айыл чарба жаатындагы чоң мүмкүндүктөргө  ээ экендигибиз белгилүү. Биз дыйкандарыбызга ЕАЭБ мамлекеттерине продукциясын экспорттоого жол ачып берүү үчүн колдон келген аракетибизди кылуубуз керек», – деп белгиледи ал.

Премьер-министр тийиштүү министрлик жана ведомстволорго жергиликтүү картошканы казак рыногуна киргизүүгө карата салынган тыюуну алып салуу боюнча күч-аракетти координациялоону тапшырды. Ошондой эле картошканы экспорттого байланыштуу абалды тез арада чечүү иретинде казак тарап менен сүйлөшүүлөрдү активдештирүү тапшырылды.

Кеңешменин жүрүшүндө вице-премьер-министр Олег Панкратов маалымдагандай, ЕАЭБ нормаларына ылайык, тыюу салуу үчүн олуттуу негиздемелер болуусу зарыл. «Учурда адистер тарабынан картошканы Казакстанга экспорттоого карата киргизилген тыюу салуунун негиздемелери иликтенүүдө. Ыйгарым укуктуу органдар казак тарап менен консультацияларды жүргүзүүдө. Атамекендик картошканы экспортоого карата тыюу салууну тез арада алып салуу үчүн бир катар чаралар кабыл алынат», – деп билдирди Панкратов.

Өкмөткө караштуу Ветеринардык жана фитосанитардык коопсуздук боюнча мамлекеттик инспекциянын директорунун орун басары Руслан Бейшенкулов маалымдагандай, ведомствонун адистери коңшу өлкөгө картошканы экспорттоого киргизилген тыюу салуунун себептерин иликтөөдө.

«Казакстандын аймагына атамекендик картошканы киргизүүгө расмий тыюу салуусу бизге келип түшө элек. Бирок иш жүзүндө тыюу салуу орун алууда. Эртең Кыргызстандын Айыл чарба жана мелиорация министрлигинин жана КР өкмөтүнө караштуу Ветеринардык жана фитосанитардык коопсуздук боюнча мамлекеттик инспекциянын адистер тобу казак тарап менен сүйлөшүүлөрдү жүргүзүү жана картошканы экспортоого карата тыюу салууга негиз болгон фактыларды салыштыруу үчүн Астана шаарына жөнөп кетет», – деп белгиледи Руслан Бейшенкулов. Ал кошумчалагандай, 2016-жылдын январынан тарта Казакстандын аймагына 1400 тонна картошка экспорттолгон, ал эми 113 тоннасы андагы ылаңдын (золотистая нематода) табылышы себептүү артка кайтарылган. Картошкадагы аталган ылаң түрү түшүмдүүлүккө таасирин тийгизгени менен адамдын ден-соолугуна жана өмүрүнө кооптуу саналбайт, деп белгиледи Бейшенкулов.

«Кыргызстан» фракциясынын лидери Канат Исаев спикер болбой калганы ич күптүсү жазылбай, КСДПнын билермандарына катуу нааразы. Бийликтин дагы Канатка карата ишеними төмөндөп, жергиликтүү шаардык кеңештерде Ош, Токмок жана башка шаарларда «Кыргызстанды» коалицияга киргизбей койду. Мындай мамилеге ичи ооруган Канат мырза оппозицияга өтүп, бийликти бучкактан алчу учурду күтүп, бугуп жатат. Ал ортодо фракция ичиндеги өзүнө көзү түз эмес депутаттардан арылып, тирек болчуларды алып келүүнүн камын көрүүдө.

Алсак, Тынчтык Конушбаев менен Чолпон Султанбекованы мандаттан ажыратуунун аракетин көрүп жатканы айтылууда. Учурунда Тынчтык мырзаны Элвира Жумалиева, Чолпон Эсенаманова, Урмат Ишенбеков сыяктуу кылып Жогорку Кеңештен айдап чыгаарда, ошол кездеги өкмөт башчы Темир Сариев сактап калганы сөз болгон. «Сен Конушбаевди кетирсең, мен Арзыбек Кожошевди министрликтен алып ошонун ордуна алып келем» – деген ультиматум коюп. Ал эми Султанбекованы болсо Шаршенбек Абдыкеримов сактап калганы айтылган. Эми Канат ошондогу жетпей калган мүдөөсүн эми кайрадан ишке ашыруунун амалын көрүп жатканын эшиттик.

Булак: “Фабула”

2016-жылдын 31-мартына карата өлкөнүн мамлекеттик тышкы карызынын өлчөмү 3 646 млн АКШ долларын (255,3 млрд сом), же 2015-жылдын ИДПсына карата 60,3 % түздү. Бул тууралуу өкмөттүн басма сөз кызматы кабарлады.

КР өкмөтү 2013-2017-жылдарга Кыргыз Республикасын туруктуу өнүктүрүүнүн Улуттук стратегиясында аныкталган багыттарга ылайык тышкы карыздарды тартуунун катаал саясатын карманат. Жалпы тартылган тышкы насыялардын 99 % жеңилдетилген шартта алынып, 0,75-2, 0% үстөк менен 40 жылдык мөөнөткө алынган. Тышкы карыздардын 90 % ашууну ар-кандай инвестициялык долбоорлор үчүн алынган.

Өкмөт тараптан мамлекеттик карыздын туруктуу деңгээлин камсыздоо максатында тышкы карызды кыскартуу боюнча иш-чаралар өткөрүлүүдө. Тактап айтканда, үстүбүздөгү жылы гана тышкы кредиторлор тараптан 43,5 млн АКШ доллары өлчөмүндөгү карыз кечилген: Германия – 13,5 млн АКШ долларын (апрель айы) жана Россия өкмөтү 30,0 млн АКШ долларын (бир жыл ичинде) кечкен.

Кыргызстан экономикасы үчүн мамлекеттик карыз өлчөмүнүн кескин өсүүсүнө жол бербөөнүн маанисин сезүү менен жана мамлекеттик карыздын туруктуу деңгээлин камсыздоо максатында Кыргыз Республикасынын өкмөтү экономикалык өсүүгө көмөктөшүү боюнча иш-чаралардын тизимин кеңейтүүгө, тышкы карыз алуунун катаал саясатын жүргүзүүгө, мамлекеттик тышкы карызды кыскартууну жана натыйжалуу башкарууну камсыздоого умтулууда.

Өкмөт башчысы Сооронбай Жээнбековдун маалымат катчысы болуп Чыңгыз Эсенгул уулу дайындалды. Тиешелүү буйрукка премьер-министр кол койгонун өкмөттүн басма сөз кызматы билдирди.

Чыңгыз Эсенгул уулу буга чейин КТРКда жана Тышкы иштер министрлигинин маалымат кызматында иштеген.

2017-жылы өтүүчү президенттик шайлоого атамекенчи Аида Салянова да катышаары маалым. Ишенимдүү булагыбыздын кабарлашынча, Аида Жеңишбековнага дем берип, каржылык жактан көмөк көрсөтүүчү «сырдуу караан» Казакстандагы бийликтин бийик сересинде отуруптур. «Капка шибегени ката албаган» сыңарындай, Салянованын башкы «саяпкер-демөөрчүсүнүн» ысымы жакынкы аралыкта ачыкка чыгат. Күтө туралы, кичин-е-е калды.

Булак: “Жаңы агым”

Буга чейин ММКлар аркылуу Токтогул районунун мурдагы прокурору Марлен Чоробековго Токтогул районунун жашоочулары тарабынан “Марлен Чоробеков, коррупциялык иштерге барды, кылмышкерди калкалап жатат” жана башка ушул сыяктуу айыптар менен Президентке кайрылгандар байма-бай чыгып келген. Бирок, эч кандай жыйынтык болбой, алар Жогорку Кеңештин депутаттарына арыз менен түз өздөрүнө кайрылганга аргасыз болушкан. Жогорку Кеңештин депутаттары Төрөбай Зулпукаров, Руслан Казакбаев Башкы прокурор Индира Жолдубаева Жогорку Кеңешке отчет бергенге келгенде жогорудагы маселени көтөрүшкөндө, Жолдубаева: “Марлен Чоробеков боюнча кызматтык териштирүү жүрүп жатат, ал өз каалоосу менен кызматтан кетти” деп коюп, эртеси Башкы прокуратуранын Коррупцияга каршы күрөшүү башкармалыгынын биринчи орун басары кызматына милдетин аткаруучу кылып коюп, кызматтан жогорулатканын депутат Руслан Казакбаев Жогорку Кеңеште айтып чыкты. Депутат Руслан Казакбаевдин сөзүн оңдобой беребиз: -“Эгерде жарандар кайсы бир мамлекеттик кызматкерди коррупция беренеси менен айыптап жатса, демек бул жагдайды дыкаттык менен текшериш керек. Ушуга байланыштуу эки жума мурун Кыргыз Республикасынын Башкы прокурору Индира Жолдубаева Жогорку Кеңештин профилдик комитетинде жылдык отчетун берип жатканда Марлен Чоробеков аттуу Токтогул районунун мурдагы прокуроруна нааразы болгон жарандардын арыздары жана коррупцияга шектелген жагдайлар боюнча башкы прокурорго суроо болгондо, “Ал иш боюнча тергөө жүрүүдө, жана тергөө жыйынтыгы менен тааныштырам” деп айтты эле. Андан сырткары, Жогорку Кеңештин жалпы жыйынында СДПК партиясынан депутат Төрөбай Зулпукаров ушул эле суроону Башкы прокурорго бергенде “Чоробеков өз арызы менен жумуштан кетти, кызматтык териштирүүлөр жүрүп жатат” деп жооп берген. Бирок, биздеги маалыматтарга караганда Марлен Чоробековдун үстүнөн текшерүү иштери жүргүзүлбөстөн, тескерисинче Башкы прокурор отчет бергендин эртеси эле күнү 14-апрелде Марлен Чоробеков Башкы прокуратуранын Коррупцияга каршы күрөшүү башкармалыгынын биринчи орун басары кызматына милдетин аткаруучу деген буйрук чыгарылып, жогорку кызматка дайындалды. Урматтуу Чыныбай Акунович, урматтуу Президентибиздин өкүлү, акыркы 4 жыл ичинде коррупцияга каршы иштер арбын жүрүүдө. Бирок, бүгүнкүгө чейин прокуратура кызматынын өздүк коопсуздугун көзөмөлдөө кызматы тарабынан коррупция менен шектелген бир дагы прокурор кызматкери айыпталган жок. Ошол эле учурда прокурор Марлен Чоробековдун коррупцияга каршы тиешеси бар деп коомчулук тарабынан айыпталганына карабастан Башкы прокурор айымыбыз Жогорку Кеңештин жыйынында депутаттарга жалган маалымат берип, Чоробековду жазалабастан, тескерисинче кызматтык тепкич менен өстүрүп жатат. Чоробековго коюлган айыптар боюнча иликтөө жүргүзүлгөндүгү, анын жыйынтыктары жана эмне себептен ушул адамды жумушка дайындоо боюнча жашыруун сыр кылып, депутаттарга жалган маалымат таралгандыгы боюнча расмий жооп беришиңиздерди талап кылам!”

Жогорку Кеңештин аппарат жетекчиси Р.Ешмамбетов күтүүсүз кызматтан кетүү тууралуу арызын жазды. Анын ордуна дагы бир СДПКчы Абдыманап Кутушев деген келээри айтылууда. А.Кутушев убагында бийликтин камчысын чаап, айрым саясий кырдаал курчуган мезгилде жагынма билдирүү таратып Алайда “дүжүр” деген ылакап ат дагы жармашкан. Анан калса депутат кезинде алгылыктуу деле  иши менен таанылган эмес, эми аппарат жетекчи болуп эмнени жыргатмак дегендер толтура.

Булак: maalymat.kg

Жалал-Абад облусунун Базар-Коргон районундагы Оганталаа айлында бүгүн саат 07:00 чамасында катуу жааган жамгырдын кесепетинен сел жүрүп, ички чарбалык жолдорду, көпүрөнү, турак жайларды жана короо, сарайларды каптады. Бул тууралуу ӨКМнын басма сөз кызматы билдирди. Селден улам Базар-Коргон-Кызыл-Үнкүр унаа жолунда унаалардын кыймылы токтоп, жол бузулган. Учурда жаан басаңдап, сел суулары азайды.

Ошондой эле Сузак районунун Ак-Мечит айылында 9-майдан 10-майга караган түнү катуу нөшөрлөп жааган жамгырдан улам сугат каналдан суу ашып, болжол менен 7-8 үйдүн короо, сарайларын жана айланасын суу каптаган.

29-апрелден баштап Бишкек шаарында Кытайдан гранттык негизде келген газ менен жүргөн автобустар каттай баштады. Бул автобустар атайын адистердин текшерүүсүнөн өтүп, жүргүнчүлөрдү ташууга даяр экенин Бишкек шаардык автопаркынын директору Бакыт ТЕМИКЕЕВ айтып берди.

— Газ менен жүрүүчү автобустардын өзгөчөлүгү эмнеде экен?

– Биринчи өзгөчөлүгү экологияга эч кандай терс таасирин тийгизбейт. Себеби көгүлтүр от өзүңүздөр  билгендей айлана-чөйрөгө зыяны жок. Учурда Кыргызстандын табигатын буза турган чоң-чоң завод, фабрикаларыбыз жок болгону менен автоунаалардын күн санап өсүп жатышы эле абага уулуу зат бөлүп чыгарбайт деп эч ким кепилдик бере албайт. Бул жагынан алып караганда  бир аз болсо да экологияны сактап жатабыз десек болот. Анан да газ күйүүчү майга караганда бир топ арзан болуп  бизге абдан ыңгайлуу. Сыйымдуулугу жагынан да айырмаланып чоңураак, отуз беш орундуу болуп, жүз кишиге ылайыкташылган. Мурунку автобустар болсо жыйырма жети орундук менен жетимиш жүргүнчүгө кызмат кылат.

— Коопсуздук жагы канчалык деңгээлде жүргүнчүлөргө кепилдик бере алат?

— Газ менен жүрөт десе кокуй кичине бир нерсеге урунуп кетсе эле жарылып кетет экен деген түшүнүк бул эскиче көз караш. Азыр күн санап чыгып жаткан жаңы ойлоп табуулар, жаңы технологиялар бизди таң калтырбай деле калды. “Адамдан айла качып кутулбайт” деп коебуз го. Ошондой  дагы бир өзгөчөлүктү кытайлар бул автобуска колдонуптур. Газ баллондору автобустун үстүндө жайгашып, кандайдыр бир урунуу болсо көгүлтүр от чыгарып турган клапандары автоматтык түрдө  өзү эле жабылып калат экен. Айдоочуларды тандоодо эки жылдык тажрыйбасы менен, буга чейин башка мекемелерде эл ташып иштегенине карап кабыл алдык. Анан он күндүк окуудан өткөрүп, күбөлүктөрүн бердик. Эң биринчи эреже бул — айдоочу автобусту башкарып бара жатканда чылым тартууга болбойт. Мына ушундай кылдат окуудан өткөн кызматкерлерибиз учурда даяр.

— Жогоруда айтып өтпөдүңүзбү “көгүлтүр от  күйүүчү майга караганда бир топ арзан”  деп, анда көпчүлүк күткөн жол акы арзандайбы?

— Жок, жакынкы күндөрү арзандайт деп айта албайм. Себеби, техникалардын тетиктери чет өлкөдөн алынып келинет. АКШ акчасынын кымбаттаганына байланыштуу бузулган автобустарды оңдоо маселеси кыйын болуп жатат. Ошондуктан биз өзүбүздү-өзүбүз толук каржылай албай жатабыз. Күйүүчү майга, кызматкерлердин айлык маянасына араң жеткирип жатабыз. Ал эми бузулган автобустар иштебей, токтоп турат. Бизде негизинен 455 Кытай автобусу, Россиядан келген беш автобус бар. Ошонун жүз кыркы гана азыр элге кызмат кылып жатат. Калган автобусту ремонт кылууга каражат жок токтоп турат. Андыктан жол акыны арзандатмак түгүл 18-19 сомго чейин көтөрүүнү пландап жатабыз. Карап көрсөм биз канча жылдан бери жол акыны көтөрө элек экенбиз. Мамлекет бизге кары-картаңдар жана атайын жеңилдиктери бар жарандарга деп бөлүп берген акчаны Соцфондго жана башка төлөмдөргө эле жумшайбыз.

 — Жол акы кымбаттаса карапайым калкка эле кыйын болуп калат да, бул жагын да ойлонуп көрдүңүздөрбү?

— Чындыгында жумуш жок, айлык маяна аз, элдин турмушу кыйын болуп жатат. Каатчылык кабыргадан кайыштырып турганда жол акыны кымбаттатуу да чоң эле сокку болорун  түшүнүп турабыз. Бирок ошол эле учурда көпчүлүк бизге автобустардын аз каттап жатканы боюнча кайрылып жатышкандыктан, бузулуп турган автобустардын тетиктерин сатып алып оңдоо үчүн  каражат керек.

— Азыр каттамдагы автобустардын абалы деле сүйүнтөрлүк эмес. Тазалык, коопсуздук жагы такыр каралган эмес…

— Туура айтасыз, негизи бул автобустар бизге 2008-жылы келген. Ошондон баштап тынбай калаа тургундарын ташып жатат. Бирок бул техникалардын нөөмөтү беш гана жылга  болсо биздин пайдаланганыбызга сегиз жыл болду. Албетте, анан эшик-терезеси жакшы жабылбай эскирип калганы да ушундан. Буюрса жаңы автобустар келди жана дагы жакынкы күндөрү келет деп күтүлүп жатат, жогорудагыдай ыңгайсыздыктын баары  жакында жүргүнчүлөргө көйгөй жаратпайт деп мен айтып өтөйүн.

Ал эми тазалык жагына токтолсок,  ар бир айдоочуга өз унаасын таза алып жүрүш керек деген милдеттендирме берилет. “Сен таза болсон, мен таза болсом, коом да таза болот” деген Искак Раззаковдун жакшы  сөзү бар го. Ар бир жүргүнчү коомдук унаада өзүн сыйлап, таштанды таштабай, түкүрбөй  койсо эле тазалык сакталат деп ойлойм.

 — Кытай автобустары сапаты жагынан  да начар, элге кызмат кылуу нөөмөтү да аз экен, балким башка өлкөлөрдүн техникаларын алып келсе кандай болот?

— Бул автобустар белекке келди да. Ал эми мурункулары арзанына карап алынып келинген болушу керек. Чындыгында  Россиянын беш автобусу сапаты жагынан, ичинин ыңгайлуулугу  да кыйла жакшыраак. Бузулуп калса тетиктерин алып келүү да оорчулукту туудурбайт. Ал эми кытай автобустары  биздин жолдорго туруштук бере албайт экен. Ошондуктан  Кыргызстандын шартына бир аз бышыгыраак эле техникаларды алып келиш керек деп ойлойм.

  — Калаа күнүнө карата ишке киришип жаткан автобустар шаар тургундарын майрамы менен куттуктап бир күн акысыз ташыйбы?

— Эми бул сурооңузга мен түз эле жок деп жооп берейин. Биринчиден, жаңы каттамга чыккан он автобусту акысыз кылып койсок башка каттамга түшкөн жүргүнчүлөр ыңгайсыз абалда калышы мүмкүн. “Эми бир күн эч нерсени деле чечпейт баарын эле тегиз акысыз кылышпайбы” деген ар түркүн суроолор пайда болот. Ал эми баарын бир күнгө акысыз кылып коюу менин колумдан келбейт. Бизди да текшерген мекемелер бар дегендей. Айдоочулардын бир күндүк айлык акысы, күйүүчү май, көгүлтүр от, бул чыгымдын баарын кайра бизге ким төлөп бермек эле…

Учурдан пайдаланып жалпы калаа тургандарын жана конокторун келе жаткан майрамдары менен жеке өзүмдүн жана жалпы жамааттын атынан  куттуктап кетейин. Шаарыбыз көрктүү, таза шаар болуп, келген меймандарга өзгөчө элес калтырышына тилектешмин!

Булак: “Жаңы агым”

Ак үйдү карап жалтактаган соттордун адилетсиз чечимине жаны кейиген белгилүү журналист Дайырбек Орунбеков бүгүн өзүнүн Фейсбуктагы баракчасы аркылуу сотторго жана президентке кайрылып, “бөрк ал десе баш алган” соттор мурда да эки революцияга себепкер болгонун, эми Атамбаевди дагы мөөнөтүнөн мурда позор болуп куулушуна шарт түзүп жатканын айтты. Төмөндө Орунбековдун билдирүүсүн өзгөртүүсүз беребиз.

– Чүй облсоту Аламүдүн райондук сотунун мага карата соттун чечимин аткарган жок деген негизде салынган административдик жазасын күчүндө калтырды.

Атамбаев Алмаздын төгүлүп калган кадыр баркын калыбына келтирүүчү 2 000 000 төлөбөй, соттун чечимин аткарбай жатат деп жазалашты.
Эми, мындан кийин сот аткаруучулар ишти Башкы прокуратурага өткөрүп, алар мага карата кылмыш козгой турганын билдиришти.

Сот Сагыналиев биздин өтүнүчтөрдү эске алган жок. Ал, адвокатыма Акүй жактан көзөмөлгө алынып, улам чалып жатканын айтыптыр. Бөрк ал десе баш алган соттор мурда да эки революцияга себепкер болгон, эми Атамбаев Алмаздын мөөнөтүнөн мурда позор болуп куулушуна шарт түзүп жатасыңар.

Атамбаев Алмаз! Убагында сөз эркиндигине жасалган басым, кысым кылган эки президент учурда өлкөсүнө келүүгө эки көзү төрт болуп жүрүшөт. Алардын катачылыгын кайталап, алар менен тагдырлаш болуп калуудан коркпойсузбу?!

Мен, сиздин көз каранды сотторуңуз аркылуу мага кылып жаткан адилетсиз куугунтугуңуздан коркпойм. Жеке өчкө өтүп, ачууланып мага каршы күрөшүп жатканыңызга боорум ооруйт. Мынчалык алсыз, кекчил жана акылы тар, айкөлдүктүн кыпыны жок ажо эл башында турганына кейийм. Бул да бир элге берилген сыноо окшойт деп түшүнөм. Бирок, сиздей президентти кыргыз элине буюрган, биз эмнеден жаздык эле?!.. Кайсы күнөөбүз үчүн?..

Тарыхта жаман ат менен калып, сөз эркиндигин бууп, эл эркиндигин чектеген чыккынчы башчы болуп калуудан коркуңуз. Жаныңызда чала сабат шопур, кайнага кеңешчилердин деңгээлинен көтөрүлүңүз.

Бишкектеги борбордук мечиттен велосипед уурдаган жаран кармалды. Бул тууралуу шаардык милициянын басма сөз кызматы билдирди.

Маалыматка караганда, Бишкек шаарынын тургуну милицияга арыз менен кайрылып, анда  Гоголь жана Москва көчөлөрүнүн кесилишинде жайгашкан мечиттен белгисиз адамдар баасы 2500 сом турган велосипедин уурдап кеткенин айткан. Аталган кылмыш боюнча Свердлов райондук ички иштер башкармалыгынын кызматкерлери тарабынан изи сууй электе Бишкек шаарынын тургуну, 20 жаштагы К.М. кармалып, тергөө бөлүмүнө өткөрүлдү.

10-майдан 11-майга чейин мезгил-мезгили менен жаан жаап, бийик тоолуу райондордо кар жаашы, түнкүсүн кээ бир райондордо жаан-чачын катуу жаашы күтүлөт. Айрым жерлерде батыштан соккон шамалдын ылдамдыгы секундасына 17-22 метрге чейин жетет.

10-майда көпчүлүк аймактарда абанын күндүзгү температурасы 8…10° төмөндөп, Чүй, Талас, Ош, Жалал-Абад, Баткен облустарынын дыйканчылык аймактарында 13…18°, Ысык-Көл, Нарын облустарынын дыйканчылык аймактарында 10…15°, тоолуу райондордо 0…5° жылуу, бийик тоолуу райондордо 0…5° суук болушу күтүлөт.

Мындай туруксуз аба ырайы айыл-чарба иштерин, унаа, энергетика жана коммуналдык кызматтардын ишин жана жайыттарда малды кармоону кыйындатат. 10-майдан 11-майга чейин күтүлүп жаткан нөшөрлүү жаан-чачынга байланыштуу республиканын тоолуу жана тоо этектериндеги аймактарында сел жүрүшү мүмкүн.

Премьер-министр Сооронбай Жээнбеков Жалал-Абад облусундагы жумушчу сапарынын жүрүшүндө Бишкек-Ош автожолунун абалы менен таанышты. Бул тууралуу өкмөттүн басма сөз кызматы билдирди.

Бишкек-Ош жолунун айрым тилкелерин кыдырып чыккан соң, өкмөт башчы Транспорт жана коммуникациялар министрлигине жолду текшерип, реконструкциялоо иштерин баштоону тапшырды. Транспорт жана коммуникациялар министри Замирбек Айдаров Бишкек-Ош жолун калыбына келтирүү боюнча программа даярдалып жаткандыгын жана жакын арада аны ишке ашыруу башталаарын маалымдады. Аталган министрликке Бишкек-Ош жолундагы жалпысынан 5 км созулган 142-155 чакырымга чейинки тилкени токтоосуз түрдө оңдоо милдети коюлду.

9-май күнү Баткен облусунун Лейлек районунда ылдамдыгы секундасына 28 метрге чейин жеткен катуу шамал болуп, бир канча үйлөрдүн чатырын учуруп кетти. Бул тууралуу ӨКМнын басма сөз кызматы кабарлады.

Маалыматка караганда жалпысынан район боюнча 311 турак үйлөрдөн 3578 даана, 9 социалдык объектен 470 даана шиферди шамал учурган. Мындан сырткары катуу шамалдын кесепетинен бак-дарактар кулап, электр чубалгылары үзүлгөн. Учурда Өзгөчө кырдаалдар министрлигинин Баткен облустук башкармалыгынын ыкчам тобу, райондук, айыл аймактык жарандык коргоо комиссиясынын курамы иликтеп, тактоо иштерин жүргүзүп жатышат.

Бүгүн, 9-майда Жалал-Абад шаарындагы Жаштык сейил багында Улуу Жеңиштин 71 жылдыгы согуштун жана ооруктун ардагерлеринин катышуусу менен жалпы элдик майрам катары белгиленди деп миаалымдады өкүлдүн басма сөз катчысы. Эртең мененки саат 10 – 00дө өкүл Жумагүл Эгембердиева, Жалал-Абад шаарынын биринчи вице-мэри Тайырбек Чойбеков, согуштун жана ооруктун ардагерлери, концлагердин туткундары, коомчулуктун өкүлдөрү жана шаардын коноктору Улуу Ата Мекендик согушта кайтпай калган жоокерлерге тургузулган эстелик менен түбөлүк отко гүлчамбарларды коюшту.

Улуу Ата Мекендик согуштагы Улуу Жеңиштин 71 жылдыгына арналган майрамдык салтанатта көп улуттуу Совет өлкөсүнүн элдеринин болоттой бекем достугу жана майтарылгыс өлбөс – өчпөс эрдиктери туурасында кеңири сөз болду.

– Эң алгач баарыңыздарды Улуу Ата Мекендик согуштагы көп улуттуу Совет элдеринин фашисттик германиянын үстүнөн болгон Улуу Жеңишинин 71 жылдык майрамы менен чын дилден куттуктоого уруксат этиңиздер. Ошол 1418 күнгө жана түнгө созулган Улуу Ата Мекендик согушта Кыргызстандын калкынын ар бир алтынчы адамы колуна курал алып, ыйык мекенин душмандардан коргоо үчүн аттанган. Ошол каардуу согушта Жалал-Абад областынан 30 миңден ашуун эр-азаматтар согушка аттанышкан болсо, алардын 18 миңден ашууну Ата-Журтуна кайтпай калышкан. Учурда областыбыздын аймагында 121 Улуу Ата Мекендик согуштун катышуучулары, 142 ооруктун катышуучулары жана согуштан күйөөлөрү кайтпай калган 368 жесир энелерибиз жашап жатышат.

Силердин Улуу Ата Мекендик согуштагы өлбөс-өчпөс эрдигиңиздер жана согуштан кийинки тынч бейпил заманды куруудагы өрнөктүү жана күжүрмөн эмгегиңиздер өсүп келе жаткан жаш муундарыбыз үчүн ар дайым сыймыктануу сезимин жаратып, аларды мекенчилдикке тарбиялайт десем жаңылбаймын.

Биз бүгүн, Улуу Ата Мекендик согуштагы көп улуттуу Совет элдеринин Улуу Жеңишинин 71 жылдыгын татыктуу белгилеп жатып, Сиздердин эсиңиздерге кавказды мекен туткан авар элинин улуу акыны Расул Гамзатовдун таамай айткан сөзүн эстей кетүүнү туура көрүп олтурамын. Расул Гамзатов: «Сен өткөн тарыхыңды тапанча менен атсаң, келечек сени замбирек менен атат!» деп айткан сөзү бүгүн дагы өзүнүн актуалдуулугун жогото элек.

Экинчи дүйнөлүк согуштан жер шарында 50 млнго жакын ондогон улуттардын адамдарынын өмүрлөрү бейкүнөө кыйылды. Адамзаттын тарыхындагы бул оор жоготууну унутууга такыр болбойт. Тынчтыктын кадыр-баркын жана нарк-насилин постсоветтик өлкөлөрдүн элдери жакшы билишет. Акыркы жылдары катуу күчөп от алган
Сириядагы согуш ааламаты бир мамлекеттин ичиндеги локалдуу согуш болбостон, дүйнөлүк коомчулукту жана ири ядролук куралдары бар державалардын башчыларын оор түйшүккө салып койду. Миллиондогон качкындар үй-жайларын, айылдар менен шаарларын ташташып, Европага качкын катары агылып жатышат. Өздөрүн Ислам мамлекетинин негиздөөчүлөрү катары эсептешкен ислам динине жамынышкан экстремисттер менен террористтер салттуу ислам дининин кадыр-баркына ачык эле көө сүртүп жатышат. Өткөн жылы Кыргызстан боюнча Сириядагы согушка азгырылып кеткендердин саны аябай көбөйүп кеткен. Алардын арасында аялдар менен кыз-келиндер жана жаш балдардын бар экендиги ойлондуруучу олуттуу маселе экендигин дагы бир жолу бизге эскертти. Акыркы учурлардагы мамлекеттик бийлик жана коомчулуктун активдүү тыгыз карым-катнашта иш алып баруусунун натыйжасында Сирияга кетип жаткандардын катары кан буугандай тыйылды десем жаңылган болбоймун. Ооганстандагы талиптердин кыймылынын күч алышы биринчи кезекте Орто Азия мамлекеттерине коркунуч алып келээрин унутпоого тийишпиз. Ошондуктан өсүп келе жаткан жаш муундар арасында алардын мекенди сүйүүгө болгон тунук сезимдерин күчөтүү менен аларда мекенчилдикке болгон бийик жана улуу күчтү жандандырууга жетишүүбүз зарыл. Улуу Ата Мекендик согуштагы ата-бабаларыбыздын өлбөс-өчпөс эрдиктери биздин жаштарыбызга сыймыктануу сезимин жаратуучу ыйык жана улуу мурас болуп калышы зарыл деп санаймын.

Сиздердин улуу эрдигиңиздерге ар дайым башыбызды ийип, таазим этебиз. Сиздер ар дайым биздин катарыбызда болгула, жашообуз бейпил болуп, балдарыбыздын күлкүсү жаңырсын, асманыбыз ар дайым ачык болсун. Улуу Жеңиштин 71 жылдык даңктуу майрамы баарыбызга куттуу болсун! Дагы бир жолу майрамыңыздар менен кадырлуу согуштун жана ооруктун ардагерлери!,- деди өкүл Жумагүл Эгембердиева.
Улуу Жеңиштин 71 жылдыгына арналган майрамдык салтанатка келгендерди Жалал-Абад шаарынын 1-чи вице-мэри Тайырбек Чойбеков, Жалал-Абад шаардык керешинин төрагасы Эрнис Ормоков, областтык ардагерлер кеңешинин төрагасы Сапдырбек Качкынбаев жана Жалал-Абад шаарындагы Улуу Ата Мекендик согуштун ардагерлеринин атынан Нина Симоненко куттукташты. Улуу Ата Мекендик согушта кайтпай калышкан ата-бабаларыбыздын жаркын элесине арнап областтык казысы Абдулазиз кары Закиров куран түшнрдү. Майрамдык иш чара өнөрпоздордун кеңири программасындагы концерти менен коштолуп улантылды.

Улуу Жеңиштин 71 жылдыгына арналган майрамдык иш чаранын программасына ылайык согуштун жана ооруктун ардагерлерине сый тамак катары жоокердик согуштук боткону тартуулоо жана жоокердик 100 грамм спиртти тартуулоо менен соңуна чыкты. Жалал-Абад шаарындагы №704 улуттук гвардиянын өздүк курамынын офицерлери менен жоокерлери согуштун жана ооруктун ардагерлеринини ар бирине майрамдык тамак аш азык түлүктөрү салынган баштыкчаларды тартуу кылышты.
9-май күнү областтын бардык район-шаарларында Улуу Жеңиштин 71 жылдыгына арналган майрамдык иш чаралар өткөрүлүп, согуштун жана ооруктун ардагерлерине керири сый-урматтар көрсөтүлүп, аларга ар тараптуу камкордуктар көрүлүп, ар тараптуу көңүл буруулар болду. Учурда Жалал-Абад шаарында 11 согуштун кадырман ардагери, 13 ооруктун ардагери жана 2 концлагердин туткундары калышкан.
Жолдошбай Осмонов, журналист